為甚麼蔬菜都要包膠袋？
我們想減少用膠袋，我們使用膠袋的原因：
- 不是因為美觀
- 不是為咗方便
- 我們用食品級塑料膠袋，減少使用市面的「垃圾膠袋」
- 部份超市出售的蔬菜，包括有機蔬菜，是經過一些化學處理程序，例如使用次氯酸水、殺菌劑，而我們沒有！
因為蔬菜冇殘餘農藥、不用保鮮劑，所以需要獨立包裝袋去減少外來嘅微生物或細菌等入侵，亦減少空氣對蔬菜嘅影響，同時亦減少運輸過程上人手互相傳染嘅機會。
我哋都努力尋求緊其他更環保有效嘅方法，試過用紙袋等等嘅方案但都唔見有成效... 所以暫時只能夠折衷地用獨立包裝袋。而我們所用的包裝袋，大部份都是可以回收再用的塑膠物料，客戶可以收集然後交回住所附近的回收箱。
當然如果大家想減少浪費，可以購買時喺備註欄寫低 "走獨立包裝袋"，咁我哋同事就會按照你的意見進行打包運送。而客戶收到貨品都要立即檢查有冇破爛或者因運輸及溫度變化嘅情況先再存放。
我哋都會繼續諗辦法喺環保方面更進一步，而又唔影響我們有機菜嘅品質。如果大家有其他 idea 我哋好歡迎都不妨留言比我哋參考一下！
稍後，我們致力提供有環保認證的「生物可分解物料塑料」膠袋以以及可以循環再用的環保購物保溫袋及環保紙箱，為環保出一分力。
李家鴻
餸您健康 創辦人
*餸您健康參與「中銀香港企業環保領先大獎2021」以及成為其中一個得獎企業，表揚我們在環保方面的卓越成就，得獎企業於2022年8月18日至2023年7月30日期間使用得獎標誌。
